Id-Deputat Prim Ministru u Ministru għas-Saħħa Chris Fearne ħabbar ir-rilaxx ta' aktar miżuri hekk kif min-nhar it-Tnejn li ġej se jkunu qed jerġgħu jiftħu r-ristoranti, l-isnack bars u l-kafetteriji, fost affarijiet oħra.
Fearne saħaq li hekk kif il-każi f'Malta naqqsu sew, il-Gvern jista' jħabbar ir-rilaxx ta' aktar miżuri għall-ġimgħat u x-xhur li ġejjin biex kulħadd ikun jista' jippjana.
Għal aktar minn darba insista li dan kollu jiddependi mis-sitwazzjoni tal-pandemija f'Malta. Għalhekk, mhux qed ikun eskluż li dawn id-dati jinbidlu jew saħansitra jiddaħħlu mill-ġdid xi miżuri.
17 ta' Mejju: Jonqsu aktar restrizzjonijiet fid-djar tal-anzjani. Fost oħrajn, l-anzjani se jkunu jistgħu jilqgħu aktar viżitaturi, għal ħinijiet itwal u b'mod aktar frekwenti. Aktar tard, iżda mhux f'din id-data, l-anzjani se jkunu jistgħu jerġgħu jibdew joħorġu mid-djar. Madanakollu, aktar dettalji dwar dan se jingħataw mill-Ministeru responsabbli mid-djar tal-anzjani.
24 ta’ Mejju jinfetħu:
- Restaurants u snack bars jiftħu sa nofsilejl
- Jinfetħu l-pools sat-8:00pm u ristretti għal attivitajiet ta’ għawn biss
- Jinfetħu l-gyms
- Jiftħu ċ-ċentri ta’ matul il-jum
- Ikompli l-isport anke li jinvolvi l-kuntatt għal persuni li għandhom aktar minn 17-il sena
1 ta' Ġunju:
- Jinfetaħ b'mod kawt it-turiżmu. Turisti jkollhom jew ċertifikat tal-vaċċin jew test negattiv li jippreżentawh qabel jiġu Malta u mhux malli jaslu
- Jibdew isiru t-tiġijiet. 100 persuna fuq ġewwa u sa 300 persuna fuq barra - dejjem madwar mejda
- Jinfetħu wkoll l-iskejjel tal-lingwa
7 ta' Ġunju:
- Ir-ristoranti (li jibqgħu jistgħu jiftħu sa nofsilejl ) se jkunu jistgħu jżidu l-imwejjed minn erba' persuni għal sitta
- Permessi gruppi ta' sitt persuni fil-pubbliku
- Jiftħu ċ-ċinema u t-teatri
- Jiftħu l-bars u l-każini
- Ikun jista' jkompli l-isport kollu anke jekk mingħajr spettaturi
- Ikunu jistgħu jiftħu l-casinos u s-swali oħra tat-tomba u logħob ieħor
- Ikomplu l-kompetizzjonijiet tal-contact u team sports għal persuni ta' 17+, mingħajr spettaturi
28 ta' Ġunju
- Ikompli l-contact sports għal dawk li għandhom inqas minn 17
- Jistgħu jibdew jiftħu l-iskejjel tas-sajf
Rigward l-ivjaġġar tal-Maltin, il-Ministru Fearne qal li fil-ġimgħat li ġejjin Malta se tkun qed toħroġ iċ-ċertifikat tal-vaċċini bil-għan li anke l-Maltin ikunu jistgħu jsiefru u jiġu lura Malta mingħajr ħafna restrizzjonijiet.
Qal li bħalissa għaddejin diskussjonijiet ma' diversi pajjiżi biex jirrikonoxxu dan iċ-ċertifikat tal-vaċċin.
Aqra wkoll:
