L-awtoritajiet tas-saħħa u l-Kurja se jiddiskutu l-festi fil-jiem li ġejjin

Id-Deputat Prim Ministru u Ministru għas-Saħħa Chris Fearne qal li fil-jiem li ġejjin se jkunu qed isiru diskussjonijiet mal-Kurja tal-Arċisqof u mad-dilettanti dwar il-festi.

Fearne saħaq li l-festi kif nafuhom ma jistgħux isiru iżda se jkunu qed isiru diskussjonijiet bil-għan li jkunu jistgħu jiġu ċċelebrati b'modi oħra.

"Ma jistax ikun li jkollna folol kbar waqt il-festi. Il-festi nqisuhom bħala attivitajiet tal-massa," saħaq Fearne.

Għalhekk qal li se jkun hemm diskussjonijiet biex meta eventwalment il-pajjiż jasal għal dak il-punt, kulħadd ikun ippreparat.

Aqra wkoll:

• Fearne iħabbar meta se jkomplu t-tiġijiet u meta se jiftħu l-gyms, il-bars u l-każini; L-ILLUM tispjega​
• Għaddejin diskussjonijiet dwar jekk iċ-ċertifikat tal-vaċċin ikunx jista' jintuża għal attivitajiet tal-massa
• Illum instabu disa' każi biss ta' Covid-19 ... 23 pazjent f'Mater Dei