Motoċiklista tweġġa' gravi f'ħabta l-Marsa

Motoċiklista ta' 35 sena spiċċat weġġgħat serjament f'inċident tat-traffiku li seħħ f’Xatt l-Għassara tal-Għeneb, il-Marsa.

L-inċident, li seħħ għall-ħabta tas-7:30am nhar l-Erbgħa, involva lill-mara, li kienet qed issuq mutur Honda, u raġel ta' 39 sena li kien qed isuq Ford Fiesta.

Issejjaħ tim mediku fuq il-post biex jagħti kura lill-mara u jiħodha l-Isptar Mater Dei permezz t'ambulanza. Hemmhekk ġiet iċċertifikata li weġġgħet serjament.

L-investigazzjonijiet tal-pulizija għadhom għaddejjin.