Sewwieq arrestat wara s-sejba ta’ arma tan-nar f’karozza li kera f’isem ħaddieħor

Raġel ta’ 35 sena kien arrestat mill-pulizija l-Erbgħa filgħaxija wara s-sejba ta’ arma tan-nar fil-karozza tiegħu.

Huwa kien imwaqqaf mill-pulizija fil-Ħamrun wara li għamel u-turn illegali.

Jani Cela, li huwa mill-Albanija, u li m’għandhux indirizz irreġustrat f’ismu, kien imressaq quddiem il-Maġistrat Joseph Gatt, il-Ġimgħa waranofsinhar.

Cela kien akkużat bil-pussess ta’ arma tan-nar, ikkargata, frodi, sewqan bla liċenzja u bla assigurazzjoni u sewqan perikoluż.

L-ispetturi Lydon Zammir u Sarah Kathleen Zerafa qalu lill-qorti kif fis-7 ta’ Frarm il-pulizija kienu stazzjoni l-Ħamrun meta raw sewwieq jagħmel u-turn illegali.

Il-pulizija waqfu l-karozza u sabu lil Celas bħala s-sewwieq u Albaniż ieħor passiġier.

Suspetti wasluhom biex jagħmlu tfitxija tal-karozza u hawn fejn instabu l-arma tan-nar kkargata.

Minn aktar investigazzjonijiet irriżulta li Cela kera l-vettura taħt isem preżunt.

Meta mistoqsi fejn joqgħod, Cela qal lill-qorti li kien jgħix Marsaskala iżda issa kien jgħix ma’ sħabu, mingħajr ma speċifika fejn. Qal li bħalissa kien jaħdem f’bar iżda qabel kien ħadem fil-kostruzzjoni.

F'dan l-istadju ma ntalbitx il-libertà proviżorja.