Il-bugħaddas salvat fiċ-Ċirkewwa jmut ftit jiem wara fl-Isptar Mater Dei

Il-vittma tal-inċident li seħħ il-Ħadd filgħodu ġie identifikat bħala Dione Galdes ta’ 59 sena. Galdes miet nhar it-Tlieta fl-Isptar Mater Dei wara li ttieħed hemm għal kura medika urġenti.

L-inċident seħħ għall-ħabta tad-9:00 ta’ filgħodu meta l-Pulizija ġiet infurmata li raġel kien sab diffikultà waqt li kien qed jogħdos fiċ-Ċirkewwa. Galdes ingħata l-għajnuna minn persuni li kienu miegħu u ġie miġbud mill-baħar. Fuq il-post ingħata l-ewwel għajnuna medika u ttieħed b’ambulanza lejn Mater Dei.

 Il-Pulizija kkonfermat li nfetħet inkjesta maġisterjali taħt id-direzzjoni tal-Maġistrat Ian Farrugia.