Żagħżugħ ta' 18-il sena ġie arrestat b'rabta ma' investigazzjonijiet mill-Pulizija dwar it-traffikar ta' droga fil-Marsa.
Il-Pulizija rċeviet informazzjoni li fil-Marsa fl-inħawi ta’ Triq il-Ġerrejja, kien hemm żagħżugħ idur b'mutur, fejn x'aktarx kien involut fil-bejgħ tad-droga. Wara li dan ġie osservat, il-Pulizija avviċinawh u għamlulu tfittxija. Hawn irriżulta li fil-mutur, kien hemm 74 qartas b'sustanza suspettata kokaina, 25 qartas b’sustanza kannella suspettata droga eroina.
Huwa ġie arrestat fuq il-post, u l-Maġistrat tal-Għassa Dr Elaine Rizzo ħatret inkjesta, filwaqt li l-investigazzjonijiet tal-Pulizija għadhom għaddejjin.
Huwa mistenni jitressaq il-Qorti t-Tlieta fis-13:30 quddiem il-Maġistrat Marseann Farrugia.
.png)
