Aktar kmien illum, raġel ta' 71 sena, ammetta li hu ħati li bagħat ittri li fiha hedded lil membri tal-Oppożizzjoni Beppe Fenech Adami, Karol Aquilina u Ryan Callus, lill-eks Deputat Jason Azzopardi, lill-President tal-NGO Repubblika Robert Aquilina u l-opinjonista Prof. Kevin Cassar.
Ir-raġel, mill-Belt Valletta, inżamm taħt arrest f'Novembru li għadda. Intant illum hekk kif kompliet il-kumpilazzjoni ta' evidenza kontrih huwa informa lill-Maġistrat li kien se jiddikjara li huwa ħati.
Il-Maġistrat appuntat f'dan il-każ fakkar lill-akkużat li dawn kienu theddid serji filwaqt li tagħtu ċ-ċans li jerġa' jaħseb l-ammissjoni tiegħu. Fil-fatt wara ftit mumenti ta' diskussjoni mal-avukat tiegħu, l-akkużat aċċetta t-talba tal-Maġistrat li jingħata aktar żmien biex jerġa' jaħsibha.
Il-każ se jkompli jinstema' fl-24 ta' Ottubru.