25 persuna oħra nstabu li qed jgħixu illegalment f'Malta waqt spezzjonijiet li saru kmieni dalgħodu f'Raħal Ġdida u Fgura.
L-ispezzjonijiet twettqum mill-Pulizija u mis-Servizzi tad-Detenzjoni f'diversi postijiet fejn instabu dawn il-persuni ta' nazzjonalitajiet varji, fosthom mill-Indja, Bangladesh, Sirja u mill-Kolombja, fost oħrajn.
Din mhux l-ewwel darba li nstabu persuni jgħixu f'pajjiżna b'mod illegali. Fil-fatt sa' tliet ijiem ilu ġew arrestati 49 persuna oħra li kienu f'Malta illegalment. Saru wkoll bosta spezzjonijiet f'San Pawl il-Baħar u f'Buġibba.
