'Ma kontx sorpriż' - Bernard Grech dwar Mario Galea li indirizza attività tal-Partit Laburista

"Ma kontx sorpriż." Hekk saħaq il-Kap tal-Partit Nazzjonalista meta mistoqsi dwar il-fatt li lbieraħ, l-eks Deputat Nazzjonalista Mario Galea indirizza attività tal-Partit Laburista.

Waqt intervista fir-Rabat, bħala parti mill-kampanja elettorali, Grech saħaq li Mario Galea mar biex jitkellem dwar is-saħħa mentali li tant jitkellem dwarha.

Fakkar li Galea stess qal li twieled u jmut Nazzjonalista u insista li l-bieb tal-PN jibqa' miftuħ għal kulħadd.

L-eks Deputat Nazzjonalista lbieraħ tkellem u fetaħ qalbu dwar il-problemi tas-saħħa mentali u anke l-mumenti meta kien wasal biex iwettaq suwiċidju.

Huwa appella biex wieħed jinnormalizza d-diskussjoni dwar is-saħħa mentali u s-suwiċidju biex aktar nies jitkellmu u ma jiddejqux ifittxu l-għajnuna.

Aqra wkoll:

• 'Mario Galea mar jitkellem fuq is-saħħa mentali ... ma għandux ikun hemm interpretazzjonijiet oħra' - Michael Piccinino