F’mumenti li kważi ma tistax tifhimhom bil-kliem, komunità sħiħa ġiet magħquda b’tifel ċkejken — Noah — li l-preżenza tiegħu, għalkemm qasira, kienet qawwija biżżejjed biex tagħti direzzjoni ġdida lil ħafna. Il-mewt tiegħu ħalliet toqla fil-qalb ta’ ħafna, imma l-messaġġ ta’ missieru, li ħareġ pubblikament wara l-funeral, ġab tama ġdida fi żmien ta’ dlam.
Fi kliem sempliċi iżda mill-aktar profondi, dan il-missier għażel li jwieġeb għat-telfa b’dik li hu sejjaħ għażla għad-dawl. Fost il-weġgħa kbira u t-telf personali li għadda minnu — telf mhux biss ta’ ibnu Noah, imma wkoll ta’ missieru stess ġimagħtejn qabel — huwa għażel li "ma jweġġax lura", imma jħares ’il quddiem b’saħħa u gratitudni.
“Noah ġab ħafna għaqda, għax kellna fuq min induru,” kiteb fil-messaġġ tiegħu li sar virali fuq il-midja soċjali.
“Nagħżel li ngħix... li rrid insib il-kuraġġ inkompli ngħożż familti u nrabbi tliet itfal oħra.”
F’mument simboliku u emozzjonanti, Noah ħalla din id-dinja ftit wara li ġiet organizzata velja ta’ talb u tama, ġabra mqanqla li fiha l-poplu Malti reġa’ wera l-qalb kbira tiegħu. Il-funeral ma kienx biss ċerimonja ta’ luttu — kien ċelebrazzjoni tal-ħajja ta’ Noah.
“Li wassluna għal dik li kienet l-isbaħ festa llum fejn iċċelebrajna ħajjet Noah,” jgħid missieru.
Fuq kollox, dan il-missier, li tilef ħafna f’dawn l-aħħar ġimgħat, ma ħalliex l-uġigħ jiegħlbu. Minflok, għażel li jkun xhieda tal-fidi u s-saħħa umana:
“Fil-birthday ta’ missieri tlift lil missieri. Fil-birthday tiegħi tlift lil ibni. Imma għażilt li ma nsaqsix ‘għalfejn?’ imma ‘fejn sejjer minn hawn?’”
“Noah kien dawl.”
Dan mhux biss messaġġ ta’ tamiet għalih innifsu u għal familtu. Dan hu stedina għall-poplu Malti kollu, biex nieħdu għarfien ta’ min għandna maġenbna, u li l-imħabba hi dak li tibqa’.
“Hares maġenbek u ara li għandek min jerfgħek. U li int tista’ terfgħu wkoll,” temm jgħid.
.png)
.jpg)
