Jidher illi fl-ewwel tliet xhur tal-2024 inħarġu 703 ċitazzjonijiet f’għaxar toroq biss.
L-istramberija hi li dawn seħħew f’għaxar toroq biss f’Malta. Dil-informazzjoni ttieħdet minn mistoqsija parlamentari magħmula mill-Kelliem tal-Oppożizzjoni għall-Ekonomija u l-Intrapriża Jerome Caruana Cilia lill-Ministru għat-Trasport, l-Infrastruttura u x-Xogħlijiet Pubbliċi Chris Bonett.
Fil-mistoqsija tiegħu, Caruana Cilia staqsa biex il-Ministru jidentifika l-għaxar toroq f’Malta fejn kienu l-iktar numru ta’ ċitazzjonijiet mogħtija. Barra minn hekk, talab biex jagħti n-numru ta’ ċitazzjonijiet għal kull triq.
Mit-tweġiba tal-Ministru ħareġ illi Triq Girolamo Cassar fil-Belt Valletta tieħu l-ewwel post għall-iktar triq fejn ingħataw ċitazzjonijiet, b’total ta’ 102 ċitazzjonijiet.
Barra minn hekk, triq oħra fil-Belt Valletta wkoll issib ruħha fost l-10 toroq bl-iktar numru ta’ ċitazzjonijiet mogħtija.
Din hija Triq San Pawl fejn b’kollox ingħataw 62 ċitazzjoni.
Dan ifisser li minn 703 ċitazzjonijiet, 164 ċitazzjoni ġew mill-Belt Valletta biss. Fi kliem ieħor, iż-żewġ toroq fil-Belt Valletta jirrappreżentaw 23.3% tas-703 ċitazzjonijiet.
|
Isem tat-Triq
|
Lokalità
|
Ċitazzjonijiet
|
|
Triq Girolamo Cassar
|
Il-Belt Valletta
|
102
|
|
Telgħa ta’ Ras Ħanżir
|
Raħal Ġdid
|
100
|
|
L-Ajruport Internazzjonali ta’ Malta
|
Ħal Luqa / Il-Gudja
|
91
|
|
Triq Giuseppe Garibaldi
|
Il-Marsa
|
79
|
|
Triq il-Mitjar
|
Ħal Luqa
|
73
|
|
Triq San Pawl
|
Il-Belt Valletta
|
62
|
|
Tul il-Kosta
|
In-Naxxar
|
56
|
|
Ħemsija
|
Ir-Rabat
|
51
|
|
Triq Elija Zammit
|
San Ġiljan
|
46
|
|
Triq il-Buqana
|
Ir-Rabat
|
43
|
Il-lokalitajiet l-oħrajn
Barra l-Belt Valletta, kien hemm seba’ lokalitajiet oħrajn imsemmijin fit-tweġiba tal-Ministru, li huma Raħal Ġdid, Ħal Luqa, il-Marsa, in-Naxxar, il-Gudja, ir-Rabat, u San Ġiljan.
Fit-tweġiba, il-Ministru żvela li t-tieni l-iktar triq fejn ingħataw ċitazzjonijiet kienet it-Telgħa ta’ Ras Ħanżir f’Raħal Ġdid fejn inħarġu total ta’ 100 ċitazzjoni.
Warajha, b’91 ċitazzjoni, hemm l-Ajruport Internazzjoni ta’ Malta li jinstab bejn Ħal Luqa u l-Gudja.
Imbagħad insibu Triq Giuseppe Garibaldi fil-Marsa b’79 ċitazzjoni u triq oħra f’Ħal Luqa, Triq il-Mitjar, fejn ingħataw 73 ċitazzjoni.
L-aħħar erba’ toroq huma Tul il-Kosta, In-Naxxar, b’56 ċitazzjoni; Ħemsija, Ir-Rabat, b’51 ċitazzjoni; Triq Elija Zammit, San Ġiljan, b’46 ċitazzjoni; u fl-aħħar triq oħra r-Rabat, Triq il-Buqana, bi 43 ċitazzjoni.
Kważi 20,000 ċitazzjoni fl-2024 minn Transport Malta
Informazzjoni meħuda minn mistoqsija parlamentari oħra magħmula lill-istess Ministru mill-Kelliem tal-Oppożizzjoni għall-Akkomodazzjoni Soċjali u Affordabbli, il-Pensjonijiet u l-Ġlieda Kontra l-Faqar Ivan Bartolo turi li fl-2024 Transport Malta ħarġet kważi 20,000 ċitazzjoni.
Speċifikament, il-Ministru qal li “ngħataw total ta’ 19,175 ċitazzjoni mill-uffiċjali tal-infurzar ta’ Transport Malta.”
’Il fuq minn 240,000 ċitazzjoni u kważi 5,000 avviż fl-2024 mil-LESA
Minn mistoqsija parlamentari oħra magħmula minn Bartolo lill-Ministru għall-Intern, is-Sigurtà u x-Xogħol Byron Camilleri, joħroġ li b’kollox inħarġu ’l fuq minn 240,000 ċitazzjoni u kważi 5,000 avviż (first-time warning) fl-2024.
Fit-tweġiba tiegħu, Camilleri qal li “t-total ta’ taħrikiet maħruġa kien ta’ 242,481, u 4,930 huma avviż.”
.png)
