Il-każi attivi komplew neżlin għal total ta' 681 hekk kif il-każi l-ġodda niżlu wkoll biex fl-aħħar 24 siegħa rriżultaw 35 każ ġdid minn total ta' 3,440 swab test. Dan ifisser li r-rata ta' pożittività fl-aħħar jum niżlet għal 1%.
Fl-istess ħin fiequ 40 persuna.
Sfortunatament mietet persuna oħra - anzjan ta' 65 sena - li kien pożittiv għall-Covid-19, biex it-total ta' persuni li mietu waqt li kienu pożittivi għall-virus minn Marzu 2020 issa tela' għal 437.
Intant in-numru ta' dożi li ngħataw sal-bieraħ beda riesaq sew lejn it-800,000, b'total ta' 792,173 doża. Sa issa 409,969 persuna ħadu t-tieni doża tal-vaċċin ukoll.
Dalgħodu id-Deputat Prim Ministru u Ministru tas-Saħħa Chris Fearne qal illi sa issa 90% tal-poplu Malti huwa vvaċċinat - fost l-ogħla fid-dinja, fil-fatt. Huwa ħabbar ukoll illi mis-6 ta' Settembru attivitajiet bilwieqfa għal 100 persuna se jibdew jitħallew isiru.