Ħadd ma jweġġa’ f’inċident li ħalla n-nofsinhar ta' Malta pparalizzata l-Ħamis filgħodu

Eluf ta’ nies li kien qed jivvjaġġaw il-Ħamis filgħodu sabu ruħhom mwaħħlin fi traffiku wara inċident fi Triq il-Kavallerija tal-Marsa.

Transport Malta ħeġġet lis-sewwieqa biex jevitaw Triq il-Kavallerija fil-Marsa wara inċident kmieni filgħodu fejn trakk kbir inqaleb, u wassal biex it-triq ingħalqet temporanjament.

Fortunatament, l-ebda persuna ma ġew irrappurtati mweġġa’ mill-inċident.

L-inċident iggrava l-kundizzjonijiet tat-traffiku li diġà ħżiena minn xogħlijiet fit-toroq li għaddejjin fi Triq Tal-Barrani. Dan ikkawża dewmien sinifikanti u konġestjoni f’diversi toroq fiż-żona.

Fil-fatt, ħafna kienu mwaħħlin fi traffiku f’numru ta’ lokalitajiet minbarra l-Marsa, fosthom Ħal Luqa, il-Fgura, Ħal Qormi u Raħal Ġdid.