Iweġġa' gravi wara li ntlaqat minn karozza f'San Pawl il-Baħar

Raġel ta’ 50 sena residenti Ħal Qormi ntlaqat minn karozza fi triq San Pawl u wara li ttieħed l-isptar ġie ċċertifikat li ġarrab ġrieħi serji

28 ta' Novembru 2023 13:17
minn Elaine Camilleri

Ilbieraħ, għall-ħabta tas-sebgħa neqsin kwart ta’ filgħaxija, il-Pulizija ġiet infurmata b’inċident tat-traffiku fi Triq San Pawl, San Pawl il-Baħar.

Il-Pulizija marru minnufih fuq il-post u minn stħarriġ irriżulta li raġel ta’ 50 sena residenti Ħal Qormi ntlaqat minn karozza misjuqa minn raġel ta’ 48 sena residenti San Pawl il-Baħar.

Ir-raġel ittieħed l-Isptar Mater Dei b’ambulanza u ġie ċċertifikat li weġġa’ gravi.

Il-Pulizija għaddejja bl-investigazzjonijiet fuq il-każ.