Raġel weġġa' waqt li kien qed isuq, tilef il-kontroll u nqaleb ġol-iskate park

Wara li ngħata l-assistenza medika ġie ċċertifikat li sofra ġrieħi gravi

Ilbieraħ għall-ħabta tal-11:00p.m. il-Pulizia ġiet infurmata li raġel ta' 29 sena mill-Ħamrun weġġa' waqt li kien qiegħed isuq vettura tat-tip Smart, tilef il-kontroll u nqaleb għal ġewwa l-iskate park fi Triq Mikien Anton Vassalli, l-Imsida. 

Huwa ngħata l-assistenza minn tim mediku u ttieħed l-Isptar Mater Dei b'ambulanza għall-kura meħtieġa. Aktar tard hu ġie ċċertifikat li sofra ġrieħi gravi. 

Membri mid-Dipartiment tal-Protezzjoni Ċivili kienu wkoll fuq il-post biex jassistu. 

L-investigazzjonijiet mill-Pulizija għadhom għaddejin. 

More in Qrati u Pulizija