Wara x-xhieda tal-allegat vittma ta' abbuż f'Għawdex fil-konfront ta' Dun Ġużepp Sultana, li ma ngħatax il-ħelsien mill-arrest, bdiet ix-xhieda fil-Qorti ta' Għawdex fil-konfront ta' Dun Ġużepp Cini illi fiha reġa' qed jixhed l-istess allegat vittma. Il-Qorti ordnat li l-isem tax-xhud ma jistax jiġi ippubblikat.
Huwa reġa' qal illi l-ewwel li tkellem kien ma' "Dun Anton" (Illum l-Isqof ta' Għawdex) li qallu jirrapporta lill-Kummissjoni tas-Safegurading. Wara li tkellem ma' qassis ieħor, ċerti Fr. Dominic, ħa dan il-pass.
Intant hu jispjega kif meta kellu bejn tmienja u disa' snin kien mar id-dar ta' Cini x-Xagħra, fit-triqtu għal Marsalforn. "Mort it-toilet u staqsieni jekk ħsiltx idejja u l-parti tiegħi. Għidtlu le, u allura ħadni lura fil-kamra tal-banju u poġġa l-parti tiegħi f'ħalqu."
Huwa jispjega kif il-qassis ġieli ħadu 'l bogħod mill-bini bil-karozza u kien jbagħbsu, filwaqt li li qal ukoll li l-abbuż imbagħad estenda fi stupru. "Darba mort id-dar tiegħu ... imbuttani fuq is-sufan u ppenetrani. Bdejt ngħajjat u nwerżaq, iżda hu baqa' għaddej."
Ix-xhieda qal illi spiċċa waqa' f'dipressjoni kbira u meta kellu bejn 13 u 14-il sena beda jieħu d-drogi u l-alkoħol filwaqt illi ta' 18-il sena pprova jwettaq suwiċidju. "Kont umiljat, nistħi minni nnifsi."
Huwa qal li Cini kien jagħtih il-flus kull darba li jmur miegħu u aktar kemm imur aktar jagħtih flus, bl-akkużat jagħti ħames liri Maltin l-aħħar li abbużah, meta stuprah. L-abbuż dam għaddej għal madwar sentejn jgħid il-vittma bil-Prosekuzzjoni f'dan il-punt tieqaf tistaqsi
Intant id-difiża staqsiet lix-xhieda għalfejn Cini kien mar id-dar tal-qassis. Ix-xhieda jgħid li ma jiftakax eżatt għalkemm jista' jkun li Cini kien talbu jmur biex jgħallmu xi mossi tar-wrestling. Huwa jgħid ukoll li ma jistax jiftakar kif kienet id-dar ta' Cini għajr li kienet żgħira.
Huwa qal li ma jafx jekk Cini qattx għamel l-istess ma' abbatini oħrajn.
Id-difiża staqsiet mistoqsijiet dwar xi dettalji oħrajn, bħal fuq xhiex tkellmu meta ltaqgħu, iżda l-vittma qal li ma jiftakarx.
Kif ġara fil-każ ta' Sultana kien hemm nuqqas ta' qbil dwar jekk Cini għandux jingħata ħelsien mill-arrest.
