18-il immigrant tressqu l-Qorti fuq akkużi ta' rewwixti f'Ħal Far jumejn ilu.
Ir-rewwixti waslu għal ħsarat kbar, fiċ-ċentru fejn kienu qegħdfin jinżammu dawn l-immigranti, intqal lill-Qorti.
L-immigranti huma mill-Mali, il-Kosta tal-Ivorju, is-Somlja, Guinea u l-Gambja.
Fis-sottomissjonijiet tiegħu l-avukat tal-għajnuna legali Martin Fenech qal illi hemm differenza bejn rewwixta u protesta. Il-Qorti iżda rimarkat kif protesta ma twassalx biex issir ħsara fuq proprjetà.
Il-Maġistrat Donatella Frendo Dimech tat sentenzi sospiżi lill-irġiel skont kemm għamlu ħsara bis-sentenzi jvarjaw minn sena priġunerija sospiżi għal tliet snin sa 22 xahar priġunerija, sospiżi għal erba' snin.
L-Ispetturi Josric Mifsud u Doriette Cuschieri mexxew il-Prosekuzzjoni.