Serqa armata f’Ħal Tarxien

Din hija r-raba’ serqa armata matul din il-ġimgħa – illum waranofsinhar, raġel armat b’ħadida daħal f’ħanut f’Ħal Tarxien u hedded kaxxiera ta’ 20 sena

4 ta' Lulju 2025 18:19
minn Jaelle Borg

Illum waranofsinhar, għall-ħabta tas-2:00 p.m., il-Pulizija kienet infurmata b’serqa armata li seħħet f’ħanut li jinsab fi Triq Santa Monika, Ħal Tarxien.

Minn informazzjoni uffiċjali li ħarġet mill-Pulizija, jidher li raġel daħal fil-ħanut b’oġġett li allegatament kien ħadida f’idu, u hedded lill-kaxxiera – tfajla ta’ 20 sena – biex tagħtih il-flus. Huwa irnexxielu jaħrab minn fuq il-post wara li seraq il-kexxun tal-flus li kien fih ammont mhux magħruf ta’ kontanti u oġġetti oħra.

Fortunatament, ħadd ma weġġa’.

Il-Pulizija marru immedjatament fuq il-post u bdew l-investigazzjonijiet tagħhom, inkluż tfittxija għar-raġel suspettat. L-awtoritajiet għadhom ma arrestaw lil ħadd f’rabta ma’ dan il-każ.

L-investigazzjonijiet għadhom għaddejjin.

Jaelle Borg hija ġurnalista ma' din il-gazzetta kif ukoll ġurnalista tal-qorti u tinsab ...

Serqa armata f’Ħal Tarxien

Din hija r-raba’ serqa armata matul din il-ġimgħa – illum waranofsinhar, raġel armat b’ħadida daħal f’ħanut f’Ħal Tarxien u hedded kaxxiera ta’ 20 sena

Sentenza ta’ disa’ snin ħabs fuq eks għalliem tal-arti għal korruzzjoni ta’ minuri kkonfermata fuq appell

Kumpanija tal-assigurazzjoni tirbaħ talba ta’ €24,000 kontra sewwieq fuq inċident waqt sewqan taħt l-effett tax-xorb

Żewġ persuni jweġġgħu gravi f’inċidenti separati tat-traffiku

Il-pulizija titlob l-għajnuna mingħand il-pubbliku sabiex tinstab persuna mfittxija