Xhieda splussiva fil-Qorti dalgħodu turi kif Yorgen Fenech - akkużat bil-qtil ta' Daphne Caruana Galizia - kien qal lill-pulizija illi kien Keith Schembri li fassal il-pjan għall-qtil ta' Daphne Caruana Galizia u li kien ħallas sa €80,000 biex din tinqatel. Kien l-Ispettur Kurt Zahra li xehed dan fil-Qorti waqt il-kumpilazzjoni tal-każ kontra Fenech.
Huwa qal li Fenech kien qal lill-pulizija li kien Schembri li fassal il-pjan u "li kien hemm tliet persuni li kien jafu dwar dan wara l-assainju ta' Caruana Galizia: L-eks PM Joseph Muscat, Johann Cremona u Adrian Vella (it-tabib)."
Yorgen Fenech qal li Keith Schembri kien qallu li Daphne Caruana Galizia kienet tfisser ħafna inkwiet u allura ried jeliminaha.
Fenech kien qal ukoll illi waqt l-interrogazzjoni kien sostna li l-eks Chief of Staff f'Kastilja kien jagħtih informazzjoni dwar telefonati u anke dwar it-telefon ta' Melvin Theuma.
Qal ukoll lill-pulizija illi Keith Schembri kien imur kważi kuljum għand Fenech u jgħidlu li hemm bżonn tinqatel Daphne Caruana Galizia.
Fenech jgħid illi Keith Schembri kien għadda €80,000 lil Melvin Theuma għall dan il-qtil u jgħid kif darba meta staqsieh dwar il-pjan għal dan l-assasinju Keith Schembri qal lil Yorgen Fenech, 'Mexxi, mexxi, mexxi..."
Interrogat Yorgen Fenech qal - ikompli jixhed l-Ispettur Kurt Zahra - li hu ltaqa' darbtejn mal-eks Prim Ministru Muscat - darba Kastilja meta kien mistoqsi dwar Melvin Theuma u darba oħra l-Girgenti. Il-Girgenti huwa mifhum li qed jirreferi għall-party ta' għeluq żmien Muscat, meta Fenech kien għadda xi fliexken tal-inbid Petrus lill-eks PM.
L-Ispettur Zahra jgħid illi Fenech kien qed jesplora l-possibilitajiet li jaħrab lejn it-Tuneżija jew Franza u f'cħats li għad iridu jkunu esebiti fil-Qorti jidher li huwa jgħid dan u kif se jħoss in-nuqqas tal-familja.
Intant ara hawnhekk x'qal waqt ix-xhieda tiegħu illum stess l-Ispettur Keith Arnaud.