L-Avukat Edward Gatt beda l-argumenti tal-għeluq tiegħu dalgħodu wara li l-prosekuzzjoni ddikjarat is-sottomissjonijiet u x-xhieda fil-ġuri ta' Etienne Bartolo - magħruf bħala l-Vojt - magħluq.
Gatt qal illi Bartolo kien qed jipprova jiddefendi lilu nnifsu meta ta daqqa ta' sikkina u qatel lil Roderick Grech fl-2017. "Jiena se nistaqsikhom biex tikkastigawh imma ta' dak li għamel mhux ta' dak li m'għamilx. Tistennewx lid-difiża tiġi b'xi storja fantastika biex tfixkel u biex l-akkużat jkollu riżultat aħjar milli ħaqqu."
Gatt appella biex il-ġurati ma jħallux il-preġudizzju jagħmihom. "Għax persuna tikkonsma d-drogi ma jfissirx li nistgħu niġġudikawh. L-istess dawk li jbiegħu d-drogi. Dan huwa ġuri tal-isfortunati, għax f'dan il-ġuri kulħadd se jkun tilef. Din hija li ġabitilhom id-droga. Imma jekk tiddeċiedi li tieħu d-droga hija l-għażla tiegħek u jekk tiddeċiedi li tmur taħdem għal Jordan Azzopardi hija l-għażla tiegħek ukoll," qal l-avukat. Azzopradi intalab jixhed fil-każ, anke biex tkun stabbilita relazzjoni bejnu u l-vittma, imma hu ma kienx xehed biex ma jinkriminax lilu nnifsu.
Filwaqt li fakkar illi d-droga instabet fuq il-post tad-delitt, qal li kien l-avukuat li kien qed jibża mill-vittma mhux viċe versa u qal li Bartolo ma kienx mar b'xi arma biex intenzjonalment iweġġa lil Grech.
"Huwa possibbli li dawk li jixtru d-drogi ma jkollhomx grazzja ma' dawk li jbiegħuha? U jekk min qed ibiegħlek id-droga jaqbad itik mhux aktar issir ma taħmlux? Possibbli li Bartolo kien qed jipprova joħroġ mill-karozza? Probabli li Grech tela' fuqu?" staqsa Gatt.
Il-ġuri jkompli
