Jean Claude Micallef jinħatar Kap Eżekuttiv tal-Awtorità għall-Integrità fl-Isport Malti

L-eks Membru Parlamentari Laburista Jean Claude Micallef ħabbar li ġie kkonfermat bħala l-Kap Eżekuttiv il-ġdid tal-Awtorità għall-Integrità fl-Isport Malti (AIMS).

“Għada ser niltaqa’ mal-istaff tal-Awtorità u eventwalment nitkellem f’konferenza tal-aħbarijiet wara laqgħa mal-membri tal-bord,” qal Micallef f’post fuq Facebook it-Tlieta filgħaxija.

Micallef se jkun qed jieħu post Luciano Busuttil, eks deputat Laburista ieħor, li serva bħala CEO mill-bidu nett tal-Awtorità.

Huwa esprima l-entużjażmu tiegħu għat-titlu ġdid u qal li qed iħares ‘b’entużjażmu’ lejn dan il-kapitlu ġdid għall-Awtorità.

L-AIMS taħdem biex tipproteġi l-valuri li jagħmlu l-isport parti essenzjali mill-kultura Maltija, billi tiġbor flimkien esperti fl-amministrazzjoni sportiva, l-etika, u l-infurzar tal-liġi biex toħloq qafas b’saħħtu għall-governanza etika.

Il-ħatra ta’ Micallef mistennija ġġib bidliet ġodda u żieda fl-isforzi tal-Awtorità biex tippromwovi l-integrità fl-isport Malti.