Id-Deputat Prim Ministru Chris Fearne qal li għadu ma ġiex mgħarraf, la b’notifika u lanqas taħrika, meta se jkun imressaq il-Qorti.
Fuq Facebook, Fearne kien qed jirreaġixxi għal rapporti tal-midja jgħidu li huwa fost numru ta’ persuni li ġew akkużati bi frodi permezz ta’ qerq.
“Waqt li konxju ta' dak li qed jingħad fil-konfront tiegħi fil-media, inkluż dak li qal f'konferenza tal-aħbarijiet il-Kap tal-Oppożizzjoni, sa dan il-ħin għadni ma rċevejt l-ebda notifika jew taħrika b'mod uffiċjali.”
“Wisq anqas għadni ma rajt il-proċess-verbal jew x'hemm fl-inkjesta maġisterjali dwari. Għaldaqstant, f'dan il-mument ma nistax nikkummenta aktar,” żied jgħid Fearne.
Huwa sostna li dejjem wettaq dmiru b’integrità u qatt ma kien qrib li jikser il-liġi.
Huwa fakkar ukoll li l-Uffiċċju Nazzjonali tal-Verifika kien irrapporta li Konrad Mizzi kkonkluda li ftehimiet sekondarji ma’ Steward Health Care wara l-2018, kienu saru minn wara dahru minkejja li Mizzi ma kienx Ministru tas-Saħħa.
Sa issa, Fearne għadu n-nomina ta’ Malta għal Kummissarju Ewropew minkejja akkużi possibbli kontrih.
Dan kien ikkonfermat permezz ta’ kummenti ta’ Robert Abela u Miriam Dalli, li ntqal li hija is-sostitut ta’ Fearne.
Bħalissa Malta qed tistenna t-tressiq imminenti ta’ numru ta’ individwi u kumpaniji marbuta mal-ftehim frawdolenti dwar il-privatizzazzjoni tat-tliet sptarijiet.
Fost dawk li se jitressqu l-Qorti hemm eks uffiċjali tal-gvern bħal Joseph Muscat, Keith Schembri u Konrad Mizzi, kif ukoll uffiċjali attwali bħal Edward Scicluna.
