Ħaddiem fil-periklu tal-mewt wara li waqa' u ħabat rasu f'sit ta' kostruzzjoni

Ħaddiem ta' 62 sena jinsab fil-periklu tal-mewt wara li waqa' u ħabat rasu f'sit ta' kostruzzjoni.

Il-każ seħħ dalgħodu, għall-ħabta tas-7:00am, fi Triq Nardu Sacco, iż-Żurrieq.

Jidher li l-ħaddiem, residenti Ħaż-Żabbar, kien qed jagħmel xi xogħol meta waqa' mal-art u ħabat rasu.

Huwa ttieħed Mater Dei u ġie ċċertifikat li qed isofri minn ġrieħi serji.

Bil-każ ġie infurmat il-Maġistrat tal-Għassa li ħatar inkjesta.