Il-ġurnalist u x-xandar Edward Montebello jinħatar Kap tal-Komunikazzjoni fl-Uffiċċju tal-Prim Ministru

Edward Montebello nħatar Kap tal-Komunikazzjoni fl-Uffiċċju tal-Prim Ministru minflok Matthew Carbonaro.

Montebello se jibda jservi f’dan l-irwol minn nhar it-Tnejn, 2 ta’ Mejju. 

Gradwat fl-istorja u fl-edukazzjoni, is-Sur Montebello ħadem ta’ għalliem u ilu involut fil-ġurnaliżmu għal dawn l-aħħar 18-il sena. Ħadem bħala editur tal-aħbarijiet, ipproduċa u ppreżenta wkoll numru ta’ programmi u dokumentarji.

L-Uffiċċju tal-Prim Ministru sellem lil Matthew Carbone tal-ħidma importanti tiegħu meta serva f’dan l-irwol fl-aħħar snin, wara li mill-2013 sal-2019 kien Deputat Kap fl-istess uffiċċju.