922 każ ġdid imma 409 jfiqu mill-Covid-19 f'24 siegħa... imutu żewġ persuni oħra

Fl-aħħar 24 siegħa kien hemm total ta' 922 każ ġdid tal-Covid-19, filwaqt li fiequ 409 persuni biex il-każi attivi telgħu mill-ġdid għal total ta' 14,632. 

In-numri ta' persuni fl-Isptar baqgħu stabbli b'121 persuna  - meta lbieraħ kienu 124 - filwaqt li l-pazjenti bil-Covid-19 u fl-ITU baqgħu baxxi, b'total ta' ħamsa minn nies. Sfortunatament, mietu tnejn minn nies oħrajn, anzjan ta' 65 sena u anzjana ta' 69 sena - biex it-total ta' vittmi tela' għal 479.

B'kollox sal-bieraħ kienu ingħataw total ta' 246,464 doża tal-booster.