Il-Forzi Armati jsalvaw 43 immigrant; Wieħed minnhom jitlef ħajtu ftit wara

Dalgħodu, il-Forzi Armati ta' Malta salvaw grupp ta' 43 immigrant li sabu ruħhom f'diffikultà wara li ħarbu minn pajjiżhom.

Fost l-immigranti, kien hemm tnax-il mara u żewġt itfal.

Fi stqarrija, il-Forzi Armati spjegaw li huma taw l-ewwel għajnuna lill-immigranti skont il-bżonnijiet tagħhom. Madanakollu, is-saħħa ta' wieħed mill-immigranti qalbet għall-agħar ftit wara u tilef ħajtu. 

Il-bqija tal-immigranti qed jingħataw l-għajnuna medika kollha li hemm bżonn.