Baġit 2022 | Childcare b'xejn ukoll għal min jaħdem filgħaxijiet, fil-weekend u bix-xifts

Il-Ministru għall-Finanzi Clyde Caruana ħabbar li l-Gvern se jkun qed jestendi s-servizz taċ-childcare b’xejn għal dawk li jaħdmu filgħaxijiet, fi tmiem il-ġimgħa u bix-xifts.

Fi kliem il-Ministru, dan qed isir minħabba li waħda mill-isfidi li n-negozji qed jaffaċċjaw illum hija n-nuqqas ta’ ħaddiema f’numru ta’ setturi, minħabba l-impatt tal-pandemija u n-nuqqas ta’ mobilità tal-ħaddiema. 

Fakkar ukoll li waħda mir-raġunijiet għalfejn il-Maltin u l-Għawdxin ma jaħdmux f’dawn l-oqsma huma l-ħinijiet tax-xogħol u l-ġranet. 

Propju għalhekk li se jkun qed jestendi s-servizz taċ-childcare b’xejn biex ikompli jindirizza wkoll din l-isfida.