Mario Grech, flimkien ma' 12-il persuna oħra, illum mistenni jsir Kardinal.
Dan wara li l-Papa ħabbar il-ħatra ta' 13-il Kardinal aktar kmieni din is-sena, bl-Għawdxi jgħid li din l-aħbar ma kinitx mistennija. "Kienet sorpriża kbira għalija. Kont irċevejt l-aħbar mingħand ħabib waqt li kont miexi f'Via Giulia, fejn hemm il-Knisja ddedikata lill-Ispirtu s-Santu. L-ewwel ħaġa li għamilt kien li dħalt f'din il-Knisja u tlabt lil Alla sabiex inkun ministru tal-ħniena għal din id-dinja. "
Grech - li huwa wkoll is-Segretarju Ġenerali tas-Sinodu tal-Isqfijiet - qal illi dan l-irwol huwa opportunità għalih biex ikompli bil-ħidma ta' dik li jsejjaħ "il-viżjoni tal-Missierna."
L-eks Isqof Għawdxi sar qassis fl-1984 u kien appuntat Pro-Segretarju tas-Sinodu tal-Isqfijiet fl-2019 u wara sar Segretarju Ġenerali fl-2020.
Grech se jkun it-tielet Malti li jokkupa din il-kariga prestiġjuża fil-Knisja Kattolika, li tagħtih l-eliġibilità tal-vot fil-konklavi li jiddeċiedu min isir Papa. Għada l-gazzetta ILLUM se tagħti ħarsa lejn dawk li okkupaw din il-kariga f'żewġ paġni ta' informzzjoni u ritratti.
Il-President tar-Repubblika feraħ lil Grech u sejjaħ il-jum tal-lum bħala wieħed li se jibqa' mfakkar fl-istorja ekkleżjastika ta' Malta. Awgurju ieħor wasal mingħand il-Kap tal-Oppożizzjoni Bernard Grech (ara filmat).
Flimkien ma' Grech se jsiru Kardinali wkoll:
- L-Isqof Marcello Semeraro
- L-Arċisqof Antoine Kambanda of Kigali, Rwanda
- L-Arċisqof Wilton Gregory, of Washington, USA
- L-Arċisqof Jose Fuerte Advincula of Capiz in the Philippines
- L-Arċisqof Celestino Aos Braco of Santiago, Chile
- L-Arċisqof Cornelius Sim of Brunei
- L-Arċisqof Paolo Lojudice of Siena
- Fra Mauro Gambetti, Gwardjan tal-Kunvent Franġiskan Sacro Convento f'Assisi
- Felipe Arizmendi Esquivel, l-Arċisqof ta' San Cristóbal de Las Casas (Mexico)
