Pfizer u BioNTech jilħqu ftehim mal-Kummissjoni Ewropea għax-xiri ta' 300 miljun doża tal-vaċċin

Dan ifisser li malli dan il-vaċċin jkollu ċ-ċertifikazzjoni kollha neċessarja biex ikun jista’ jibda jingħata, il-pajjiżi tal-Unjoni Ewropea se jkunu fuq quddiem li jirċievu dan il-vaċċin

11 ta' Novembru 2020 13:36
minn Yendrick Cioffi

Il-kumpaniji Pfizer u BioNTech ikkonfermaw li laħqu ftehim flimkien mal-Kummissjoni Ewropea għax-xiri ta’ 300 miljun doża tal-vaċċin li issa jinsab fl-aħħar stadji tiegħu.

Dan ifisser li malli dan il-vaċċin jkollu ċ-ċertifikazzjoni kollha neċessarja biex ikun jista’ jibda jingħata, il-pajjiżi tal-Unjoni Ewropea se jkunu fuq quddiem li jirċievu dan il-vaċċin.

Ilbieraħ tħabbar li r-riżultati tat-testijiet li saru fost 43,000 persuna, juru li dan il-vaċċin huwa 90% effettiv kontra l-Covid-19.

Il-Kap Eżekuttiv ta’ Pfizer, Albert Bourla, qal li din kienet l-akbar ordni li rċevew il-kumpaniji għal dan il-vaċċin.

Il-kumpanija qalet li sal-aħħar tal-2021 kapaċi tipproduċi 1.3 miljun doża ta’ dan il-vaċċin.

Il-Ministru għas-Saħħa Chris Fearne ilu jisħaq li Malta se tkun minn fost l-ewwel pajjiżi li tirċievi l-vaċċin.

Yendrick Cioffi studja l-ġurnaliżmu fl-Università ta' Malta fejn kiseb Baċċellerat bl...

Pfizer u BioNTech jilħqu ftehim mal-Kummissjoni Ewropea għax-xiri ta' 300 miljun doża tal-vaċċin

Dan ifisser li malli dan il-vaċċin jkollu ċ-ċertifikazzjoni kollha neċessarja biex ikun jista’ jibda jingħata, il-pajjiżi tal-Unjoni Ewropea se jkunu fuq quddiem li jirċievu dan il-vaċċin

“Il-pajjiż hemm bżonn jiddikriminalizza l-abort, imma mhux b’referendum”

Metsola timmira għal rekord ta’ voti; nuqqas ta’ apprezzament għall-kandidatura ta’ Peter Agius

ADPD: Kundanna għar-regħba li tikser id-drittijiet bażiċi tar-residenti

Tiswijiet lejn is-Swieqi u attivita lejn Kordin iwaħħlu Malta bi traffikku