Il-Kummissjoni Kandidati tal-Partit Nazzjonalista llejla ċċarat illi r-rapport tad-due diligence li qed isir dwar Adrian Delia u anke dwar Bernard Grech, jista' ma jkun ippubblikat xejn jew inkella jkunu ppubblikati minnu biċċiet biss lit-tesserati.
Dan ir-rapport għandu jiddeċiedi jekk il-kontestanti prospettivi għall-kariga ta' Kap tal-Partit Nazzjonalista humiex idonei permezz ta' resumè. Ir-rapport se jgħaddi mingħand il-Kummissjoni għal għand l-Amnministrattiv tal-Partit Nazzjonalista u wara - tgħid stqarrija tal-istess Kummissjoni "jista' jkun li jkunu ppubblikati biċċiet mir-rapport."
Jidher illi din il-Kummissjoni lanqas mhi se tagħti direzzjoni dwar jekk Delia jew inkella Grech għandhomx jew jistgħux fil-fatt ikunu kandidati.