Ħaddiem ieħor iweġġa' wara li waqa' tliet sulari f'sit ta' kostruzzjoni

Ħaddiem sofra minn ġrieħi gravi wara li waqa' tliet sulari f'sit ta' kostruzzjoni

Il-każ seħħ għall-ħabta tat-tmienja ta’ filgħodu fi Triq A.M Valperga, il-Fgura.

Il-Pulizija marret minnufih fuq il-post u minn stħarriġ irriżulta li raġel, x’aktarx barrani imma l-identitá tiegħu għadha mhix magħrufa, weġġa’ wara li waqa’ madwar tliet sulari għoli waqt li kien qed jaħdem.

Ir-raġel ingħata l-għajnuna minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.

Il-Pulizija għaddejja bl-investigazzjonijiet fuq il-każ.

Aqra wkoll:

• Ħaddiem fil-periklu tal-mewt wara li waqa' u ħabat rasu f'sit ta' kostruzzjoni