Meta kien qed ikellem folla ta' eluf ta' partitarji li nġabru l-Mile End il-Ħamrun wara rebħa storika li l-Partit Laburista qed jipproġetta li tkun waħda b'distakk ta' madwar 40,000 vot fuq il-Partit Nazzjonalista, il-Mexxej Laburista Robert Abela sostna li hu mhu se jittollera ebda arroganza fil-Gvern tiegħu u qal illi fl-ewwel mandat tiegħu huwa irid ikompli jibni fuq it-tajjeb imma jrid jara wkoll li jkunu indirizzati l-prioritajiet ġodda.
Huwa indirizza lil dawk li ma vvotawx lill-Partit Laburista u jgħid illi anke dawk li astjenew mill-vot hu jrid li dan ikun Gvern u pajjiż tagħhom. "Lil dawk li ma vvotawx lill-Partit Laburista ngħidilhom li dan il-partit għandu bżonnkom, mela ejja naħdmu flimkien ħalli nibqgħu nagħmlu l-ġid lil dan il-pajjiż."
Huwa wiegħed lill-eluf preżenti li se jkompli jaħdem mill-qalb. "Kellna ħames snin ta' riżultati u dan l-appoġġ tant b'saħħtu rridu nrodduh lura b'umiltà." Abela insista diversi drabi dwar l-importanza tal-umiltà.
Ara aktar dwar il-projections tal-PL ta' rebħa ta' madwar 40,000 vot.
Ara kif Bernard Grech irreaġixxa meta qal li beħsiebu jibqa' jmexxu