Ritratti | Pont bejn l-450 sena ta’ storja tal-Belt Valletta u l-futur; Jinfetaħ il-Valletta Design Cluster

Fost oħrajn, il-Valletta Design Cluster qed joffri l-ewwel ġnien fuq bejt fil-Belt Valletta li hu miftuħ għal kulħadd

Il-Biċċerija l-Antika tgħix mill-ġdid
Il-Biċċerija l-Antika tgħix mill-ġdid

Din il-ġimgħa, il-Biċċerija l-Antika ġewwa l-Belt Valletta ingħatat ħajja ġdida, hekk kif issa ser isservi bħala l-Valletta Design Cluster, spazju kreattiv u kulturali ġdid iddedikat lid-disinn ġewwa l-Belt Valletta, taħt il-kappa tal-Aġenzija Kulturali għall-Belt Valletta.

Dan l-ispazju hu maħsub biex ikun id-dar ta’ kull kreattiv u kull organizzazzjoni li jixtiequ jħallu impatt soċjali pożittiv fuq il-komunità.

Il-Valletta Design Cluster joħloq opportunitajiet ġodda għall-persuni kreattivi fil-qasam tad-disinn, li ser ikunu jistgħu jiżviluppaw il-proġetti tagħhom u jilħqu livelli ġodda. 

Dawk kollha li ser ikunu qed jissieħbu mal-Cluster jistgħu jagħmlu użu mill-għodda, makkinarju, u l-ispazji ta’ ġo fih, biex jaqsmu l-għarfien tagħhom u jimxu ‘l quddiem. Dawn il-facilitajiet ser ikunu qed jgħinu studenti, professjonisti, organizzazzjonijiet fl-oqsma relatati mad-disinn, kif ukoll għaqdiet Beltin, biex jilħqu l-aspirazzjonijiet tagħhom.

Ta' min isemmi wkoll li s-sala prinċipali tal-Valletta Design Cluster issemmiet għall-poeta u l-akkademiku Oliver Friggieri.

Dwar dan, il-gazzetta ILLUM kienet tkellmet fid-dettall maċ-Chairperson tal-Fondazzjoni Valletta 2018 Jason Micallef

More in Arti