Myriam Spiteri Debono se tagħmel intervent mediku

Il-President Myriam Spiteri Debono ħabret fuq Facebook nhar is-Sibt filgħodu li se tagħmel intervent mediku l-isptar Mater Dei li jirrikjedi l-loppju.

Għaldaqstant, Spiteri Debono mhux se tkun tista sservi l-kariga tagħha ta' President illum is-Sibt 15 ta' Novembru, il-jum tal-intervent. Helena Dalli se tkun qed tokkupa l-kariga ta' Aġent President tar-Repubblika.

Il-komunikat ma speċifikax fuq l-intervent per se', ħlief li se tkun taħt loppju u li Spiteri Debono għandha tirritorna l-għada.