Tarbija ta' 11 il-xahar instabet mejta f'residenza ġewwa San Ġiljan

Il-Pulizija qiegħda tinvestiga l-mewt ta' tarbija ta' 11-il xahar. Il-każ seħħ ilbieraħ għall-ħabta tal-ħdax u nofs ta’ filgħaxija  f’residenza fi Triq Andre Maurois, San Ġiljan.

Il-Pulizija ma tat ebda informazzjoni oħra dwar il-każ.

Skont TVM, missier it-tarbija huwa Serbjan, u sab lit-tarbija mejta meta rritorna mix-xogħol tard bil-lejl. Imbagħad staqsa lill-omm, mara Ingliża, fejn kienet it-tarbija, hekk kif wieġbet li kienet rieqda isfel.

Meta l-missier daħal fil-kamra, sabha mejta wara li allegatament fgat fir-rimettar tagħha stess.

Bil-każ ġie infurmat ukoll il-Maġistrat tal-Għassa Dr Franco Agius LL.D li ħatar inkjesta.