Raġel iweġġa’ gravi wara li waqa’ żewġ sulari minn gallarija

Raġel ta’ 39 sena residenti l-Mosta qed isofri serji gravi wara li waqa’ minn għoli ta’ żewġ sulari fl-Għarb, Għawdex.

Il-Pulizija qalet li l-inċident seħħ għall-ħabta tas-7:30 ta’ filgħodu fi Triq Franġisk Portelli. Skont l-ewwel informazzjoni, jidher li r-raġel waqa’ minn gallarija.

Tim mediku marr hemmhekk sabiex jassisti lir-raġel li mbagħad ittieħed l-Isptar Ġenerali ta’ Għawdex permezz ta’ ambulanza, fejn ġie ċċertifikat li weġġa’ serjament.

Il-Pulizija għadha qed tinvestiga l-każ biex tistabbilixxi eżatt x’ġara.