Raġel ta’ 53 sena minn Ħaż-Żabbar wieġeb mhux ħati għall-akkużi li kkawża l-mewt ta’ turista Ġermaniża li nħakmet minn karozza waqt li kienet qed taqsam it-triq ma’ żewġha f’Ġunju li għadda.
Etienne Ciantar deher il-Qorti tal-Maġistrati nhar il-Ħamis, fejn ċaħad l-akkużi ta’ sewqan perikoluż, traskurat u negligenti li wassal għall-mewt ta’ Katrin Wappler Schrader, ta’ 57 sena. Huwa tressaq il-Qorti taħt ċitazzjoni u insista li jikkontesta l-allegazzjonijiet.
L-inċident seħħ fid-19 ta’ Ġunju meta l-pulizija ġew imsejħin għal Lascaris Wharf, fejn sabu Toyota Ractis wieqfa fil-karreġġjata li twassal lejn il-Marsa u lill-vittma mixħuta mal-art. Il-mara kienet qiegħda Malta għal ġurnata waħda biss flimkien ma’ żewġha bħala parti minn vjaġġ tat-turista.
Is-Supretendent Nicholas Vella xehed li test tal-breathalyser li sar fuq Ciantar ikkonferma li ma kienx qed isuq taħt l-influwenza. Huwa żied jgħid li l-pulizija kellhom ukoll jitilgħu fuq il-cruise tal-koppja sabiex jiġbru l-bagalji u l-passaporti tagħhom, peress li żewġha kien f’xokk assolut u ma setax jerġa’ jitla’ abbord immedjatament wara l-inċident.
Żewġ kuntistabli li marru fuq il-post wkoll xehdu waqt il-kumpilazzjoni.
Il-Maġistrat Ann Marie Thake qalet li kien hemm biżżejjed provi sabiex il-kawża tipproċedi kontra l-akkużat.
L-avukati Veronica Anne Spiteri u Sarah Ciliberti dehru għall-akkużat. Il-kawża instegħmet quddiem il-Maġistrat Ann Marie Thake. L-avukata tal-Avukat Ġenerali Jennifer Polidano, assistita mis-Supretendent Vella, ipprosekutat il-każ
