Il-Pulizija qed tinvestiga l-mewt ta’ raġel li nstab fit-triq barra d-dar tiegħu

Il-Pulizija qed tinvestiga l-mewt ta’ żagħżugħ ta’ 28 sena li nstab mejjet fit-triq quddiem daru.

Il-Pulizija qalet li ċ-ċittadin Indjan instab għall-ħabta tal-11:45 ta’ nhar il-Ħamis fi Triq Sant’Antnin, San Ġwann.

Minn stħarriġ preliminari jirriżulta li miet wara li waqa’ minn għoli.

Il-Maġistrat Philip Galea Farrugia nieda inkjesta, hekk kif l-investigazzjonijiet tal-pulizija għadhom għaddejjin.