In-Nutar Robert Aquilina, personalita’ magħrufa mal-għaqda Repubblika u kif ukoll f’inkjesti maġisterjali, ġie interrogat illum wara inċident domestiku serju fil-konfront ta’ wieħed mill-familjari tiegħu wara rapport li sar lill-pulizija il-bieraħ wara nofsinhar.
Dan sar wara intervent minn pulizija li kien għassa fixed point quddiem id-dar ta’ Aquilina wara li kien hemm ħafna għajjat u storbju fid-dar tiegħu.
Aquilina insista mal-pulizija li ma kien hemm l-ebda problema iżda f’dak il-ħin persuna fid-dar talbet għall-għajnuna.
Din il-gazzetta hija nfurmata li wara intervent mill-pulizija prezenti, sar rapport kontra Robert Aquilina minn membru tal-familja tiegħu.
Huwa mifhum li saret talba biex jiġi arrestat, liema talba ġiet irrifjutata mill-maġistrat tal-għassa.
Min-naħa tiegħu, il-Maġistrat ordna lill-Pulizija biex jibagħtu mill-ewwel għal Aquilina. Il-Pulizija minnufih talbuh imur sad-depot għall-interrogazzjoni.
Robert Aquilina huwa assistit mill-avukat Arthur Azzopardi.
Aktar dettalji fil-ħin li ġej
