Persuni midruba wara li karozza tidħol fihom fuq il-monti ta' Ħaż-Żabbar

Sitt persuni ttieħdu l-isptar Mater Dei, wara li sofrew ġrieħi f’aċċident li seħħ fuq il-monti ta’ Ħaż-Żabbar is-Sibt filgħodu.

Il-pulizija qalu lill-ILLUM li l-aċċident seħħ għall-ħabta tad-9:20am, u minkejja li l-investigazzjonijiet għadhom għaddejjin kollox jindika li dan kien biss aċċident ikrah.

Fil-fatt sorsi qrib l-investigazzjoni qalu lil dan il-ġurnal li s-sewwieq, li bħalissa qed ikun investigat, tfixkel il-pedala tal-clutch ma’ dik tal-gass.

Ix-xufier kien raġel ta’ 70 sena.

Il-gazzetta tifhem li dawk imweġġa’ huma kollha adulti, u filwaqt li jinatgħu kura l-isptar, ma hemm ħadd f’qagħda kritika.

Din l-istorja se tkun aġġornata ġaladarba tidħol aktar informazzjoni.