It-tkeċċija ta' Norman Vella mill-PBS fl-2013, iddikjarata ‘diskriminatorja u inġusta’ mill-Qorti

Il-Kummissjoni għall-Impjiegi ddikjarat it-tneħħija tal-preżentatur Norman Vella mill-PBS fl-2013 waħda ‘diskriminatorja u inġusta’ f’soċjetà demokratika.

Tkompli l-kawża l-Erbgħa filgħodu, il-Kummissjoni qalet li din id-deċiżjoni kienet waħda bbażata fuq diskriminazzjoni u ordnat lill-Gvern iħallas kumpens ta’ €15,000 lil Vella.

Jitkellem mal-ġurnalisti quddiem il-binja tal-Qorti, Norman Vella qal li din hija rebħa għal “kull min hu għaddej minn ġlieda simili bħal dak li għaddejt minnu”.

Spjega li s-sentenza mhijiex appellabbli u hija wkoll konferma li Joseph Muscat, dakinhar Prim Ministru, kien aġixxa b’mod diskriminatorju miegħu.

Fl-ewwel kummenti tiegħu, qal irringrazzja lill-Kap Eżekuttiv tal-PBS John Bundy talli xehed fil-kawża tiegħu u qabeż għalih.

Min-naħa tiegħu, l-avukat u MP Nazzjonalista Karol Aquilina qal li jittama li l-Uffiċċju tal-Prim Ministru u l-PBS jagħmlu apoloġija lil Vella fid-dawl ta’ din is-sentenza.