Raġel isofri ġrieħi serji f’Għawdex wara li tilef il-kontroll ta' quad bike

It-Tnejn, għall-ħabta tas-sagħtejn ta’ waranofsinhar, il-Pulizija ġiet infurmata li kien hemm bżonn l-assistenza fi Triq il-Kav. Lorenzo Zammit Haber, ix-Xewkija.

Il-Pulizija marret minnufih fuq il-post u minn stħarriġ preliminari rriżulta li raġel ta’ 25 sena tilef il-kontroll tal-quad bike  li kien qed isuq u nqaleb.

Fuq il-post issejjaħ tim mediku u ambulanza ħadet lill-vittma l-Isptar Ġenerali ta’ Għawdex għall-kura meħtieġa, fejn ġie ċċertifikat li sofra ġrieħi serji.

Bil-każ ġiet infurmata l-Maġistrat tal-Għassa Simone Grech li fetħet inkjesta filwaqt li l-investigazzjonijiet mill-Pulizija għadhom għaddejjin