Fr David Muscat ngħata sentenza ta’ sitt xhur ħabs sospiżi għal sentejn, wara li f’appell, instab ħati li uża diskors ta’ mibgħeda.
Huwa kien ġie liberat mill-akkużi fil-konfront tiegħu f’Settembru tas-sena l-oħra, iżda l-Avukat Ġenerali appella dik id-deċiżjoni.
Il-każ huwa marbut ma’ kummenti li għamel Muscat fuq Facebook, fejn kien qal li jekk persuna tkun omosesswali, huwa agħar milli tkun ipposseduta mix-xitan. Dan b’referenza għal Abner Aquilina, li huwa mixli bi qtil atroċi ta’ Paulina Dembska.
L-Arċisqof Charles Scicluna kien wissa formalment lis-saċerdot, fejn qallu biex ma jgħaddix kummenti offensivi.
Il-Qorti ma qablitx mad-deċiżjoni li kienet ngħatat sena ilu, hekk kif iddikkjarat li dak li qal Muscat kien offensiv, u appella għal aktar kawtela meta wieħed jikkummenta fuq il-mezzi soċjali.
