Xufier ta' 90 sena bi ġrieħi gravi wara ħabta fil-Gudja

Aktar kmieni llum seħħet ħabta bejn żewġ karozzi fi Triq Ħal Tarxien il-Gudja. 

Mill-ewwel stħarriġ irriżulta li kienet seħħet ħabta bejn Nissan March misjuqa minn raġel ta' 90 sena minn Santa Luċija u Toyota Corolla misjuqa minn raġel ta' 21 sena mis-Swieqi. 

Fuq il-post issejjaħ tim mediku u r-raġel ta' 90 sena ttieħed l-Isptar Mater Dei b'ambulanza. Atar tard huwa ġie iċċertifikat bi ġrieħi gravi. 

L-investigazzjonijiet tal-Pulizija dwar dan l-inċident għadhom għaddejin.