Ministru, li s'issa għadu ma ġiex imsemmi b'ismu, ġie marbut ma’ każ ta’ korruzzjoni fejn jidħlu testijiet tat-teorija tas-sewqan li jinvolvi fih tliet uffiċjali ta’ Transport Malta. Dawn qed jiġu akkużati li għenu lis-sewwieqa li qed jitgħallmu t-test jgħaddu mill-eżami.
Clint Mansueto, direttur ta’ Transport Malta, u uffiċjali Raul Antonio Pace u Philip Edrick Zammit, ċaħdu akkużi ta’ korruzzjoni meta dalgħodu dehru l-Qorti.
Il-Qorti semgħet kif waqt li Mansueto kien għaddej mill-interrogazzjoni tal-pulizija huwa espriema li "ħassu taħt pressjoni" sabiex jgħin ċerti nies jgħaddu mit-test “għax kienu qed jaħdmu f’villa ta’ Ministru tal-Gvern”.
L-investigazzjonijiet dwar it-tlieta nbdew minn email mibgħuta lill-pulizija fl-2020. Din l-email intbagħtet minn persuna li s-servizzi tagħha kienu regolarment mitluba mill-awtorità tat-trasport biex tassisti kandidati barranin li ma kinux jafu l-Malti jew l-Ingliż waqt it-test tat-teorija. F'kelma waħda dak li bil-Malti nsejħulu 'traduttur.
Xogħlu f'dan il-każ huwa li jaqra u jittraduċi mistoqsijiet iżda t-traduttur sostna li Manusueto kkuntattjah diversi drabi biex jgħidlu jindika t-tweġiba t-tajba lill-istudenti.
L-istess traduttur spjega kif Mansueto sejjaħlu fl-uffiċċju tiegħu fil-Furjana u qallu li “wieħed jew żewġ studenti kellhom bżonn l-għajnuna” u għalhekk kellu jagħti ħjiel dwar it-tweġiba t-tajba.
"Jien kont obbligat għaliex kont qed nirċievi sejħiet dwarhom mill-Ministeri," qal Mansueto meta mistoqsi dwar dan.
Fil-Qorti instegħma wkoll kif żewġ studenti kienu ta’ nazzjonalità Pakistana u Albaniż, filwaqt li t-tielet student kien Malti. Kemm l-istudent Pakistan u anke l-Albaniż, allegatament għaddew mit-test wara li t-traduttur tahom għajnuna bit-tweġibiet korretti waqt li l-uffiċjal Philip Edrick Zammit kien allegatament jibqa' preżenti sakemm jispiċċaw it-testijiet.
Instabu wkoll chats ta' nies ta' partit politiku b'informazzjoni dwar kandidati li kellhom jgħaddu mit-test tas-sewqan tagħhom
F'dawn it-tliet każijiet, it-traduttur irċieva ħlas fi flus kontanti mingħand Mansueto minflok paga normali dritt fil-kont tal-bank.
Il-Pulizija ntraċċat ukoll messaġġ mibgħut lill-Ministru dwar wieħed mill-kandidati u l-istess messaġġ irċieva risposta mill-istess Ministru. Hawn fejn il-Pulizija fittxew fl-uffiċċju ta’ Mansueto fi Transport Malta u sabu żewġ djarji li fihom kien hemm diversi ismijiet, numri tal-ID u dati ta’ eżamijiet tas-sewqan relattivi.
Fuq il-mobile tiegħu nstabu wkoll chats ma' nies ta' partit politiku, li maġiex imsemmi fil-Qorti, b'informazzjoni dwar kandidati li kellhom jgħaddu mit-test tas-sewqan tagħhom.
Eżaminaturi li kienu qed jieħdu ħsieb eżamijiet tas-sewqan qalu lill-investigaturi li Mansueto u Zammit xi drabi kienu jibagħtu għalihom filgħodu, u hemm jimmarkaw minn lista ta’ kandidati, dawk l-istudenti li għandhom bżonn l-għajnuna.
Xi wħud minn dawk l-eżaminaturi kienu ġodda u “beżgħu jgħidu le, peress li beżgħu li jitilfu xogħolhom,” xehed l-ispettur.
