Żagħżugħ ta' 26 sena akkużat li kien qed jikri proprjetà li mhix tiegħu

Raġel ta' 26 sena minn Ta' Xbiex kien akkużat bi frodi wara li kera proprjetà li ma kinitx tiegħu, waqt li kiser ordni ta' probation u l-kundizzjonijiet tal-ħelsien mill-arrest. 

Huwa wieġeb mhux ħati għall-akkużi miġjubin kontrih. 

L-akkużat kien tħalla joqgħod fi proprjetà li wara hu kien kera lil terzi persuni.  Meta s-sid skopra x'kien qed jiġri, informa lill-pulizija.  Din ma kinitx l-ewwel darba li l-akkużat xellef difrejh mal-liġi hekk kif kien akkużat b'serqa f'kafetterija filwaqt li kien arrestat minħabba serq ta' identità fl-2016. 

L-Avukat Noel Bartolo qal illi l-aħħar żmien wera' li hu kien qed jobdi l-kundizzjonijiet tal-ħelsien mill-arrest filwaqt li qal illi l-akkuża ta' ksur tal-kundizzjonijiet tal-ħelsien mill-arrest tista' tkun sosnuta biss jekk jinstab ħati.

Minħabba li kien għadu ħiereġ mill-ħabs u kien bla xogħol l-avukat tal-għajnuna legali appella lill-Qorti biex jingħata garanzija personali mhux ikun ordnat iħallas depożitu.  

Il-Qorti iżda ma aċċettatx it-talba għall-ħelsien mill-arrest, minħabba li l-akkużat huwa riċediv. 

L-Ispettur Jonathan Ransley mexxa l-Prosekuzzjoni