24 immigrant arrestati wara 'rewwixta' f'Ħal Kirkop

Skont il-Pulizija, l-immigranti, b’wiċċhom mgħammad, bdew ikissru u ma bdewx jobdu l-ordnijiet tal-uffiċjali tad-detenzjoni

7 ta' Jannar 2020 13:20
minn Yendrick Cioffi

24 immigrant ġew arrestati wara li ħadu sehem f’dik li l-Pulizija sejħitilha “rewwixta” fis-Safi Barracks ta’ Ħal Kirkop.

Jidher li l-każ seħħ ilbieraħ, ftit wara s-sebgħa ta’ filgħaxija.

Skont il-Pulizija, l-immigranti, b’wiċċhom mgħammad, bdew ikissru u ma bdewx jobdu l-ordnijiet tal-uffiċjali tad-detenzjoni.

L-istess persuni bdew jaqilgħu knaten minn mal-bini u jwaddbu biċċiet minnhom lejn l-uffiċjali, waqt li wettqu ħsara fid-dormitorji u l-kamra tal-uffiċjali tad-detenzjoni.

Il-Pulizija kkontrollaw is-sitwazzjoni u arrestaw lill-persuni involuti.

Huwa qed jinżammu d-depot u mhux eskluż li jitressqu l-Qorti taħt arrest aktar tard.

Yendrick Cioffi studja l-ġurnaliżmu fl-Università ta' Malta fejn kiseb Baċċellerat bl...

Il-ġuri ta’ Emanuel Borg – “Il-martell kien f’idejna t-tnejn, mhux f’idi biss.”

Jaelle Borg

It-tieni ġimgħa tal-ġuri ta’ Yorgen Fenech

Jaelle Borg

'MEXXI'

Jaelle Borg

Sid ta’ restorant estradit mill-Italja wara allegazzjonijiet li evada iżjed minn €2 miljun f’taxxa

Ħaley Xuereb