Il-Pulizija qed tinvestiga saċerdot li allegatament seraq relikwa minn knisja fl-Isla.
Skont The Times of Malta, is-saċerdot seraq berettin li ħafna jqisuh relikwa ta’ San Filippu Neri, mis-sagristija tal-knisja ddedikata lill-Madonna ta’ Porto Salvo.
Is-saċerdot jieħu ħsieb is-Santwarju tas-Samra fil-Ħamrun u s-sit illum.com.mt jinsab infurmat li fl-aħħar jiem din kienet mgħassa mill-Pulizija u ħadd ma tħalla jidħol fiha.
Kelliem għall-Kurja qal li għalissa s-saċerdot jinsab fuq leave amministrattiv sakemm tintemm l-investigazzjoni.
Hu mifhum li r-relikwa tinżamm fis-sagristija tal-imsemmija knisja fl-Isla. Is-saċerdot qaddes f’din il-knisja nhar is-Sibt li għadda.
Skont sorsi li tkellmu mal-istess gazzetta, ir-relikwa f’kaxxa tal-ħġieġ, instabet fil-karozza tas-saċerdot.