Cassola jirrapporta lill-PM u lil Clyde Caruana minħabba ċ-ċekkijiet; 'Din hija 'prattika korrotta'

Arnold Cassola bagħat ir-rapport tiegħu lill-Kummissjoni Elettorali u lill-OSCE li huwa tim ta' esperti li qed jimmoniterjaw l-elezzjonijiet f'Malta

Il-kandidat indipendenti, Arnold Cassola għamel rapport uffiċjali quddiem il-Kummissjoni Elettorali kontra Robert Abela u Clyde Caruana.

Fl-imejl tiegħu, lill-Kummissjoni Elettorali u mibgħuta llum lill-OSCE, tim ta' esperti li qed jimmoniterjaw l-elezzjonijiet f'Malta, Cassola saħaq li jagħmilx sens li f'nofs kampanja elettorali qed iqassmu miljuni lill-votanti Maltin.

Cassola insista li din hija "prattika korrotta" ċara.

"Infakkar li bħalissa dawn it-tnejn huma parti minn "caretaker government" u ma għandhom l-ebda dritt li jqassmu flus il-poplu f'nofs kampanja elettorali li huma stess qed jieħdu sehem fiha bħala kandidati," insista Cassola.

Talab lill-Kummissjoni Elettorali biex li tieġu azzjoni immedjata.

Bħalissa fid-djar qed jitqassmu ċ-ċekkijiet tar-rifużjoni tat-taxxa u anke ċekk addizzjonali ta' €100 għal kulħadd minn 16-il sena 'l fuq minn €200 għall-pensjonanti u dawk fuq il-benefiċċji soċjali.

More in Politika