Il-każi attivi tal-Covid-19 jerġgħu jonqsu u l-pazjenti fl-ITU jinżlu wkoll għal tlieta

Malta għandha issa 859 każ attiv ta' Covid-19 u dan hekk kif fl-aħħar 24 siegħa nstabu 51 każ ġdid u fiequ 70 pazjent.

Ilbieraħ saru 3,093 test. Dan ifisser li r-rata ta' pożittività, fl-aħħar 24 siegħa, kienet dik ta' 1.6%.

Il-pazjenti f'Mater Dei żdiedu għal 42 iżda l-għadd ta' pazjenti fl-ITU naqas għal tlieta.

Kompla wkoll it-tilqim. Sa issa, 398,128 persuna huma mlaqqma kompletament filwaqt li 405,073 persuna qed jistennew it-tieni doża.

Malta sa issa amministrat 777,181 doża tal-vaċċin.